“Eng namunali psixologik xizmat ko'rsatish xonasi” ko'rik tanlovi

• 10.10.2019, 14:23,
• Muallif: admin,
• Bo'lim: Tadbirlar
 
Navoiy viloyati Navbahor tumani xalq ta'limi bo'limi tomonidan o'tkazilgan ko'rik tanlov shunday nomlandi. O'zbekiston Respublikasi Vazirlar Mahkamasining 2019 yil 12 iyuldagi "O'quvchilarni psixologik-pedagogik qo'llab quvvatlash ishlarini yanada takomillashtirish to'g'risida”gi 577-sonli qarori ijrosini ta'minlash, shuningdek xalq ta'limi tizimidagi maktablarda faoliyat yuritayotgan amaliyotchi psixologlar orasida ilg'or, tashabbuskor, ijodkor, fidoiy, kompetentli, ishbilarmon kadrlarni aniqlash va ularni qullab-quvvatlash, maktab amaliyotchi psixologlarning faoliyat yuritishlari uchun qulay shart-sharoitlarni yaratish maqsadida bo'lib o'tgan ko'rik tanlovda tumandagi barcha umumta'lim maktablari amaliyotchi psixologlari ishtirok etishdi.
Ishtirokchilarning har bir taqdimoti hakamlar hay'ati tomonidan baholab borildi. Natijalarga ko'ra 15-umumta'lim maktabining amaliyotchi psixologi Malohat Toshmurodova 1-o'ringa loyiq deb topildi. Shuningdek, 1-umumta'lim maktabi amaliyotchi psixologi Yulduz Umarqulova 2-o'rinni egallagan bo'lsa, 2-umumta'lim maktabi amaliyotchi psixologi Mashhura A'zamova 3-o'ringa loyiq topildi.
Bundan tashqari, ishtirokchilar bir qator nominasiyalar bilan ham taqdirlanishdi. Xususan, "Eng yaxshi taqdimot” nominasiyasiga 5-umumta'lim maktabi amaliyotchi psixologi Shaxnoza Samandarova, "Eng yaxshi psixologik xizmat ko'rsatish xonasi” nominasiyasiga 23-umumta'lim maktabi amaliyotchi psixologi Bibirajab Bozorova hamda "Eng yaxshi innovasion xona” nominasiyasiga 29-umumta'lim maktabi amaliyotchi psixologi Xurshid Hikmatovlar sazovor bo'lishdi.




скачать dle 10.6фильмы бесплатно
Boshqa yangiliklar:
» Aniq fanlar oyligi
» "Yilning eng yaxshi tarbiyachisi" aniqlandi
» "Yilning eng yaxshi chet tili fan o'qituvchisi-2017"
» “Hayot go'zal, hayotdan zavqlanaman” aksiyasi bo'lib o'tdi
» “ Iqtidor yulduzlari” festivali o'tkazildi